بصراوي

    دراميات جميلة منوعة

    شاطر
    avatar
    محمد البصراوي
    مــشــرف
    مــشــرف

    عدد الرسائل : 1106
    العمر : 30
    الموقع : بين الحبايب
    تاريخ التسجيل : 25/09/2007

    دراميات جميلة منوعة

    مُساهمة من طرف محمد البصراوي في الأربعاء 9 يناير - 16:18

    ما تنسمع رحّاي بس آيدي أدير
    أطحن بكايه الروح موش أطحن اشعير
    *****
    أطحن واكضي الليل عن المأ ريده
    بالكذله أصبح شيب من مدة ايده
    *****
    موش أطحن شعيرات أطحن بهمك
    أكعد ودور الروح تلكاهه يمك
    *****
    ما تنسمع رحّاي بس بجيّ مسموع
    جاتلني والله هواي ما منه مرجوع
    *****
    متحزمه وانكل شوك (للفود)أدفيه
    بغشيش ألك يالموت؟من عندي دخفيه
    *****
    ضيجة خلك بالبيت رجلي آنه اشوفه
    صاحت علىّ الناس جن أرد اعوفه
    *****
    الودر..؟ جاني ينام والشمس عدله
    والله بجلب مجلوب لوصح أبدله
    *****
    وين اليفك مظلوم وين الله وينه
    يتركرك عله جلاي هذا الحضينه
    *****
    أتكلي أمي اخذيه اكرع وشايب
    أتلمس بعلباه مامش كصايب
    *****
    زفوني نص الليل للبرد حيله...؟
    حبني وترسني اتفال من وره الشيله
    *****
    الحجي بس وياي ناكص بالعيار
    كلهن يكسرن جوز وآنه أكسر حجار
    *****
    كل الشيوب التموت شيبه يتجدد
    رآيه وسبع خرفان يومن تمدد
    *****
    كالولي رجلج مات موتة جلبنه...؟
    النخل بيه جريد والصاري عدنه..؟؟؟
    *****
    أيكلي همي العشه خلينه نشبع نوم
    الما تريده النفس جالشركه بالزردوم
    *****
    يا فلان اجاك وليد حظك غلبني
    اوصل لباب الدار يبجي ويردني
    *****
    يا نغل ولد(أعفين )بالشط من ارميك
    لوجنت أبن هواي بالعين أخليك
    *****
    أرجه اليموت يعود روحي أمهبوله
    طبكت عليه الكاع ما بعد أنوله
    *****
    كلجن يمظلومات للكاظم امشن
    ويم سيد السادات فكن حزنجن
    *****
    شايله فرخ(لكعيم ) مالج يابطني
    ربطة شفج بعذار ربي ربطني..؟
    *****
    آخذله دمع العين وأصعد للأزرك...؟؟؟
    لو ينعل الشيطان لو يجسم ! الحك
    *****
    جيبولي جدر النيل خل اصبغ الثوب
    تو أيس الدلال منهم فرد نوب
    *****
    مثل الجدع ممدود مطلوني يمه..؟
    كلما يجي ويروح بيدي أغمه
    *****
    ريت العمامه أحدار كش ول يامومن..؟؟؟
    من كونه موش هواي لكبع وكومن
    *****
    وينج ووين الرجل بعدج زغيرونه
    عيونج فشك مستحه للحرب يريدونه...؟؟؟
    *****
    خطار أهلنه منين هاشم يديه
    بس لا تكوليش لا خطاب اليه
    *****
    مو كلشي نتمناه يوكع بدينه
    أحنه السفن والريح تلعب علينه.؟
    *****
    آي والعرش واللوح والبلعته الحوت
    نارك بلب أحشاي تلتهب للموت
    *****
    والحجر وأهل البيت والحج والحرام
    كل ساعه من فركاك(يشكر )بالف عام
    *****
    غصبن عله الروح جابتني اشوفك
    جثر الهه بالصدعات بلجن تعوفك
    *****
    مهضومه جيت أنخاك كلهم ولوني
    لالي ولي بهل دار أهلي نسوني
    *****
    وشبعد وشخليت تنغط يالغراب
    تنذجر ماتنشاف خليت الاحباب .؟
    *****
    كالولي منهو ذاك كلتلهم هواي
    شنهو العلامه البيه.؟رف كلبي وجلاي
    *****
    ما نمت ربع الليل نشدوا ألمخده
    وآنه حلمت بهواي خدي عله خده
    *****
    أحزن حزن معدان وارجي العصابه
    ويه أم رجل وفروخ عوجه الطلابه
    *****
    يا مجوره وين تردين زينه نزلنه
    كل أحنه نمشي وياج ونعوف أهلنه
    *****
    اليون تالي الليل لا بد عله اسباب
    لو دهر موجر بيه لو ذاجر أحباب
    *****
    ظل ابجي طول الليل ابدن ما أهزك
    لو جنت ابن هواي جان اشمعزك
    *****
    أتنخه بالنسوان خيه أبجن أبجن
    نوبه عله ولفي الراح نوبه عله هلجن.؟
    *****
    شيخصهه بيه الناس رجلي أرد أجويه
    يركض وره اليمشون صاير طبع بيه
    *****
    ربي انتجلت عليه ...جوزني حايج
    يتعاركن رجليه مثل الشرايج
    *****
    شو دمش عني غاد ول ول يبو أركب
    ليهّ ما يخلقك زين من كون ألك رب...؟؟؟
    *****
    يا من تبدل وياي رجلي برجلهه.؟
    ونعادل أبميزان والزايد الهه
    *****
    لو تون لو ترتاح لو تلزم الباب
    جنك جدع ممدود ما بين الاحباب
    *****
    أرد اللعب بدنايّ ما طالت ايدي
    الفكر والشبعان خامه أبمجيدي
    *****
    عود أبعدت واسلاك غمك لهالراي
    تعرضلي وكت الزاد وبشربة الماي
    *****
    حبله وأهز كاروك سبعه لي اللعبون
    ما جوز آنا! من هواي كلكم تشهدون
    *****
    من زار رجلي وجاي أنسلت خيطه...؟؟؟
    خليني وي اهواي أخذلي ميطه ..؟؟؟
    *****
    العتب موش عليك عتبي عله لعكال
    شوماكلت من أول شوط مابيه تطوال..؟؟؟
    *****
    والبيدي والبلكاع وعله امتوني
    ماجوز انا من هواي لو كطعوني
    *****
    عمتك زينه وياك عمتي اشعمه
    حته الهوه من هواي ما ترضه اشمه
    *****
    همي وهم هواي وهم الله فوكه...؟؟؟
    تفتر عليه الناس جن عندي بوكه
    *****
    هواي أريد هواي هواي أريده
    ما كوم آنا مناه ألا أيدي بيده
    *****


    _________________
    avatar
    **ملكة الاحزاان**
    بصراوي شاغول
    بصراوي شاغول

    عدد الرسائل : 114
    العمر : 33
    تاريخ التسجيل : 11/10/2007

    رد: دراميات جميلة منوعة

    مُساهمة من طرف **ملكة الاحزاان** في الأحد 27 يناير - 11:15

    يسلموو دارميات جميلة
    avatar
    ريونة البصراوية
    بصراوي جديد
    بصراوي جديد

    عدد الرسائل : 18
    العمر : 25
    تاريخ التسجيل : 27/09/2008

    رد: دراميات جميلة منوعة

    مُساهمة من طرف ريونة البصراوية في الأحد 30 نوفمبر - 19:54

    <P><FONT style="BACKGROUND-COLOR: #eedebe">يسلمووووووووووووووووووووووووووووووو جميلات الدارميات </FONT></P>

      الوقت/التاريخ الآن هو الأربعاء 20 سبتمبر - 13:41